Persona bou infliencia ta causa accidente, menasa cu arma di candela y bandona sitio den Avenida Alo Tromp.

Diadomingo anochi a drenta informe di un caso di accidente hit and run cu menasa cu arma, mesora a dirigi patruya na e sitio. Na yegada di patruya na e sitio a bin compronde cu aki un persona den un KIA Rio blauw a reverse dal den un Mitsubishi Lancer bayendo pariba den Avenida Alo Tromp. E chaufferu di e KIA Rio lo tabata bou influencia y a menasa e chauffeur di e Lancer y a bandona e sitio. E lo a bira un rond y pasa atrobe y menasa e chauffeur di e Lancer atrobe y a mustre un arma di candela segun declarashon di e chauffeur di e Lancer. Polis a tuma datos di e incidente aki y a cuminsa un buskeda den e area pa e sospechoso arma aki cu a ocasiona un accidente, bandona e sitio y menasa cu arma di candela.

Share:

Leave a Reply

Your email address will not be published.