Diahuebs anochi a drenta informe di un accidente cu hende herida na Sabana Liber, mesora a dirigi tanto polis como ambulans na e sitio. Na yegada di e patruya a bin compronde cu un chauffeur bayendo pabao a bay bira na man robes pa parkeer pero net un ciclista ta bini di direccion contrario y a dal e. Debi na e impacto e ciclista a resulta herida. Na yegada di e ambulans nan a atende e victima y a transporte pa hospital.
