Aruba Fashion Week (AFW) ta orguyoso di destaca e colaboracion continuo cu Departamento di Cultura Aruba (DCA), un alianza strategico cu tin como obhetivo principal e desaroyo, fortalecemento y visibilidad di talento creativo local y e Industria Creativo na Aruba.

Den e ultimo tres aña, e colaboracion aki a keda un pilar esencial den e crecemento di e sector creativo na nos isla, cuenfasis particular riba talento hoben cu ainda no a wordodescubri ni desaroya completamente. A traves di un enfoque estructural y sostenibel, e dos institucion ta contribuiactivamente na posiciona creatividad como un motor di desaroyo cultural, social y economico.

E mision di Aruba Fashion Week semper a concentra riba crea un plataforma pa talento local, fomenta expresion artistico y conecta creatividad Arubano cu escenario regional yinternacional. Departamento di Cultura Aruba ta comparti e mesun vision, reconociendo e Industria Creativo como un sector clave pa diversificacion economico, identidad cultural y innovacion. E aliniacion di mision entre e dos partido a crea un base solido pa programa, oportunidad y iniciativa cu taimpacta directamente riba nos comunidad creativo.

E rol di Industria Creativo y e sosten di DCA

Departamento di Cultura Aruba, como instituciongubernamental, ta hunga un rol fundamental den e sosten y fortalecemento di e Industria Creativo, actuando como facilitador di politica cultural, orientacion estrategico y acceso na oportunidad di desaroyo. A traves di colaboracion cuplataforma como Aruba Fashion Week, DCA ta promove un ecosistema creativo cu ta incentiva profesionalisacion, emprendimiento creativo y exportacion di talento Arubano pamercado internacional.

E Industria Creativo, cu ta inclui moda, diseño, arte, musica y otro expresion cultural, ta wordo trata como un sector cu gran potencial pa crea empleo, identidad y proyeccion global. E colaboracion cu AFW ta confirma e compromiso di DCA pasigura cu talento local no solamente ta visibel, sino tambe sostenibel y competitivo na nivel internacional.

A traves di e colaboracion aki, Aruba Fashion Week y Departamento di Cultura Aruba a logra impulsa varios diseñador, artista y creativo emergente, dunando nan acceso na orientacion profesional, exposicion, experiencia practico y escenario pa presenta nan obra. E impacto di esaki taclaramente visibel den e progreso di talento local cu a logra posiciona nan mes mas alla di frontera di Aruba.

Un ehempel cla di e resultado di e colaboracion aki ta e diseñador Arubano Quiana Cronie, fundador di e marca Cashaca. Danki na e apoyo continuo, estructura creativo y plataforma ofreci durante e ultimo aña, Quiana Cronie lo presenta su coleccion oficialmente na New York FashionWeek na luna di februari proximo. Esaki no ta solamente un logro personal, sino tambe un triunfo pa e Industria Creativo Arubano y un prueba concreto di con inversion den talento local por resulta den reconocemento global.

Aruba Fashion Week ta firmemente convenci cu e colaboracion cu Departamento di Cultura Aruba ta di importancia clave pa e futuro di e Industria Creativo na nos isla. Tanto talento ya conoci como talento ainda no explora tanecesita oportunidad, apoyo y visibilidad pa florece plenamente. Continuacion di e alianza aki lo sigui contribuina crea un ecosistema creativo sostenibel, innovador yinclusivo.

Aruba Fashion Week y Departamento di Cultura Aruba taexpresa nan mutuo gradicimento pa e confianza, compromiso y apoyo brinda durante e ultimo tres aña. E speransa ta cu e colaboracion aki lo sigui fortalece, pa asina sigura cucreatividad, arte y talento Arubano sigui crece y briya, tanto na Aruba como riba escenario internacional.