Dialuna mainta a drenta informe di un accidente cu hende herida dilanti Centro Kibrahacha na Piedra Plat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un pick-up truck K2700 di pabao a subi caminda sin duna preferencia na un Hyundai Grand i10 di zuid y a bay dal e den banda. Debi na e impacto e dama chauffeur di alrededor di 25 aña a resulta herida. Na yegada di ambulans nan a atende e dama cu tabata keha dolor den pecho y na brasa na e sitio mes.