Awe nos ta avansa hopi energetico y cu hopi confiansa y siguransa pa motibo cu nos bida a coi un bunita ritmo.
Nos tin previlegio di por ta hala rosea y gosa di un mundo masha maravilloso mes.
Pesey mesora cu nos a lanta, nos ta gradici cu hopi satisfacion nos bon Dios, pa gradici pa tur cos bon cu e tin pa nos.
Hopi no ta jega, y hopi a desvia.
Nos kier papia di Paz, cu ta hopi importante pa tin den un hogar.
Hesus ta nos paz, pesey ta hopi importante pa sigi Hesus.
Bo kier sirbi, y papia cu Dios pa tendé despues, ta via Hesus so bo por jega.
Tin companero y companera ta pretende di ta bon hende, lesa bijbel y oracionnan henter dia, pero ta hendenan desformal, ta zundra, lastra te hasta golpia nan hendenan, cu ta algo hopi peligroso mes.
Bo tin paz interno y tin paz externo.
Interno ta pa bo bienestar, pa bo mente ta trankil.
Paz externo ta e manera cu bo ta trata bo hendenan, bo prohimo.
No lastra nan, zundra nan. Manera cu bo kier caba cu nan.
Esey ta lo peor cu bo por hasi, y ta net lo contrario di loke nos bon Dios a sinja nos.
Trata bo prohimo como debe ser, cu hopi amor y carinjo.
Lo bo biba den paz y hopi contento, cu ta dunabo tambe bida largo.