Bon dia cu hopi confiansa, pasobra nos ta probecha di ta un di esnan cu tin e previlegio di a habri wowo y gosa di loke por riba otro dia cu Señor a duna nos. Amor di Dios ta grandi pa nos, si nos wak cuanto protecion nos ta hanja tur dia. Nos bon Dios ta pidibo pa cana sin miedo, y cu siguransa cu tur cos lo sali bon. Hopi biaha nos ta kere cu Dios no tey, otro ta kere cu e mester mira un milager pa e por kere cu Dios ta existi. Tin ta pensa cu nos Tata no ta corda riba nan mes! Hopi biaha Señor ta pone nos pasa den hopi preta, y despues e ta ponebo hunto cune. Danki pesey Señor, e caminda cu bo ta habri tur dia pa nos. San Marco ta bisa: Hopi di esnan cu awendia ta para prome, lo ta delaster, y hopi cu ta delaster lo pasa pa prome. Bo manera di biba, bo dedicacion na Señor, e manera cu bo a trata bo prohimo, y hopi mas ta ponebo den e promenan serka Señor.