Kudawecha/Calabas – Den weekend binidero, 30 di mei, lo bay tin un candeloso encuentro entre e legendarionan di pariba di brug, esta Pariba Legends contra e trabuconan di Bou Dak DT. E encuentro aki lo tuma luga n’e mundialmente famoso Domino Square Garden, aya, net n’e grens entre Kudawecha y Calabas. Manera di custumber, entrada ta completamente gratis pa publico en general y durante halftime e pasapalonan lo skeiro rond totalmente por nada.

Pocopoco nos ta drentando den e temporada cayente caminda mondi lo pega candela ora e teamnan di bush league cuminsa enfrenta otro pa determina cua ekipo t’esun di mas fuerte pa temporada 2026. Mas cu claro, e luga pa midi forsa t’e palacio di pega piedra aya na Kudawecha. E caravana di pariba di brug lo sali tempran p’e batay cuminsa exactamente 8’or di anochi riba 30 di mei binidero. Bou Dak kiermen cu esaki ta nan anochi caminda awa lo yobe cu lamper cu strena bou dak! Asina ta shonnan di Pariba Legends … “you guys have been warned”! Shonnan bini uno bini tur p’e candeloso encuentro diasabra awor 30 di mei cuminsando pa 8’or di anochi n’e mundialmente famoso Domino Square Garden entre Pariba Legends y Bou Dak DT! Yegaaaa!