Awe riba un Diasabra mainta, maske hopi no ta lanta tempran, nos kier duna gracia na nos bon Dios pa tin e previlegio di por gosa di otro dia mas.
Semper ora nos spierta mainta, nos ta keda hopi agradecido pa por a weita comienso di e dia.
E ta un milager, e ta asina agradabel pa nos curason.
Nos sa cu nos bon Dios ta poderoso, y cu su amor pa su yuinan ta inmenso.
Hesus ta su caminda, su berdad y su bida.
Pesey tambe nos mester di Hesus, pasobra ta pa via Hesus so nos por jega na su Tata.
Hesus y su Tata tin e mesun maneho, y systema di duna nos como yuinan tur e chensnan pa por jega e caminda priminti.
Señor ta skucha bo oracion, y bo pidimento.
No di biaha, pero semper mester tuma tempo pa wak bo logronan.
Bo ta fiel na bo bon Dios, e ta tenebo firme den su mente.
Un cos si, bo mester por juda bo mes y no core pidi delaster un cos chikito.
Nos grandinan ta bisa : no sinta warda tur cos cai foi cielo.
Hasi bo parti y Señor ta dunabo lo demas.
Señor ta mustra bo e caminda pero E no ta carga bo hibabo na unda bo mester ta.
Semper purba mantene bo Fe den Señor.