Diasabra merdia a drenta informe di cu un mucha di 8 aña lo a pasa den un sliding door y a corta su curpa na Santa Cruz, mesora mayornan a core hib’e banda di 88 Foodmart na Macuarima. Mientras tanto a dirigi tanto polis como ambulans na e sitio. Na caminda pa eynan a bin compronde cu e mayornan mes ta bayendo abao cu e mucha y nan ta ex- Drive inn bayendo pabao. Ambulans a bisa nan pa nan topa pabao di e rotonde dilanti airport. Eynan e ambulans tabata wardando e mucha pa asina hib’e hospital. Unabes den e ambulans nan a hiba e mucha pa hospital unda e lo ser atendi adecuadamente.