Nos ta riba e prome dia di siman nobo y nos ta gradici nos bon Dios pa duna nos rosea pa por gosa di un dia mas.
Tata ta bisa nos ,,esun cu ta stima su mama of su tata mas cu E mes, no ta digno di pertenece na E.
Claro cu nos Dios ta mas cu nos mama o nos tata.
Stima bo bon Dios mas cu tur cos.
Dios ta e causa supremo y fuente di bendicion, cu ta e único felicidad berdadero.
Dios su amor ta perfecto.
No tin un Tata mas grandi y poderoso cu nos Dios, cu ta fiel cu nos tur, ta yuda tur su yuinan cu mester di ayudo y ki ora di dia cu ta !
Si bo no tin pasenshi, bo lo no hanja bo ayudo cu bo mester.
Suerte ta sali di tres cos,
Prome, lubida pasado
Dos, aprecia bo presente
Tres, confia Dios cu bo futuro.
Esaki ta e fuente di nos amor y confiansa cu nos mester tin pa nos bon Dios.
Cada dia ta un oportunidad nobo, y nunca perde speransa.
Bo kier bo por te hasta papia cu bo bon Dios ki ora bo por, bai sinta den un skina of luga keto, trankil, hopi calmo, sin hende cu por distraibo, of cherchabo.
Bo Fe mester ta hopi grandi, enorme.
Mas Fe bo tin, mas fuerte bo contacto cu Dios.