Dialuna mainta a drenta informe di un accidente cu hende herida na Schotlandstraat dilanti ASD, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Toyota Vitz a bira na man robes net ora cu un Volkswagen Caddy ta bini di direccion contrario y nan a dal den otro cu basta daño. Debi na e impacto 2 persona den e Caddy a resulta herida. Na yegada di e ambulans nan a atende e victimanan y a transporta un victima pa hospital.