Copa Noord 2026 organisa e aña aki pa Calabas Blue Jays dedica na (5) Baluarte Lea Tromp, Maria Boekhoudt, Aldrin Boekhoudt, Julieta (Jeta) de Cuba Lenin Ashby a drenta su recta unda diabierna anochi Royal Power ta elimina Calabas Blue Jays 8-3 pasando asina pa e gran final di Copa Noord 2026.

Royal Power vs Calabas Blue Jays

Den un tremendo Partido diabierna anochi riba veld di Centro di Bario Noord Royal Power ta seya su ticket pa e gran final. Jomark Flanegin ta habri e partido pa Royal Power y ta cubri henter e ruta (7 inning) pa finalmente seya e victoria riba su nomber. Randy Paredes ta habri e partido pa Calabas Blue Jays ta bay cas cu e derota. Randy ta wordo releva den di 5 inning pa Roberto Vargas kende tampoko por a paga e candela di e muchanan di Royal Power. Royal Power ta pika dilanti 1-0 den promer inning y ta remolca 2 careda mas den cabez di 2 inning y ta bolbe anota un careda den cabez di 3 inning pa hasi e wega 4-0. Den bom di 3 inning Calabas Blue Jays ta rally pa 3 careda hasiendo e wega interesante 4-3. Royal Power ta rally pa 3 careda mas den di 5 inning y ta anota 1 careda inicio di 7 inning riba hit impuhador cu 2 out di e hoben Rayvon Loopstok cu ta drenta como pinch hitter. Boxscore final Royal Power 8 careda, 13 hit, 0 error. Calabas Blue Jays 3 careda, 10 hit, 0 error. Royal Power a bati como ekipo 33-13 pa un averahe 394 mientras Calabas Blue Jays a bay di 28-10 bon pa un averahe di 357. Mihor bateadornan pa Royal Power a resulta Jomark Flanegin kende a bay di 4-3 cu un doblete mas 2 rbi aportando engrande na su propio causa, Giandrick Lacle, Kelvin Silvania Eldrick Dijkhoff tur a bay di 4-2, Rayvon Loopstok di 1-1, Yeify Tuly Silva di 3-1 cu un doblete, Marvin Brown di 2-1 cu un doblete, Riangelo Richardson di 1-1. Pa Calabas Blue Jays a destaca na plato den causa perdi,  Maiker Pimentel( un di e mihor pitchernan na mundo den fast pitch cu titulo di mundial riba su nomber) a bay di 3-2 cu un doblete, Joshua Ramada 3-2 tambe cu un doblete, Randy Paredes 3-2, Jerrold Martijn, Alfred v/d Linden y Francis Kelly a bay di 3-1. Royal Power asina ta pasa pa di 2 anja consecutivo pa final di Copa Noord y ta keda enespera di e ganador entre Kudawecha Redskins vs Yoyo’s Power. Exito na tur ekiponan competiendo pa e titulo maximo di Copa Noord 2026. Pabien tambe na organisadornan Calabas Blue Jays pa e bunita torneo hinka den otro.