Diabierna madruga a drenta informe di cu un hende lo a forsa un di e mashinnan di placa di A.T.M. na Paradera, mesora a dirigi un security y a avisa e banco. Na yegada di e patruya a tuma nota cu desconocidonan lo a forsa un porta pero no a logra habri e porta paden pa por yega na e compartimento di placa. Nan a avisa polis mesora y a keda di bay wak e grabacion di e camara di seguridad pa asina logra captura esun responsabel.
