Diahuebs mainta tempran a drenta informe di cu un dama yamando central di polis na yoramento bisando cu su pareha ta maltrate y cu e ta herida na nan apartamento na Savaneta, mesora a dirigi un patruya na e sitio. Na caminda pa e sitio a drenta otro informe indicando cu e muher lo a corta e homber esey a pone patruyanan bay cu mas urgencia. Na yegada di e patruya a bin logra saca afor cube dama tabata tin un kap na cabes debi na un sla cu un obheto pero debi na e cantidad di cabey polis no por a logra saca afo con profundo ni con grandi ni serio e ta. Ademas di esey tin sanger cu a seca caba y hopi cos reboltea y kibra den e cas. E homber tabata tin un corta bao su pia y tabata bisa cu ta e muher a corte pero polis a ripara cu esey no ta berdad ta un glas cu ela trapa lo a corta su pia. Polis a detene e homber y a pidi e ambulans cu mas urgencia. Na yegada di e vehiculo di transporte a hiba e homber na Centro Medico pa trata e corta mientras na yegada di e ambulans nan a atende e dama y a hib’e hospital. A pidi slachtofferhulp pa presenta na e sitio como tambe e investigadornan tecnico y forensyco na e sitio.
