Dialuna atardi a drenta informe di un accidente cu hende herida na Kudawecha, mesora a dirigi tanto polis como ambulans na e sitio. Na yegada di e patruya a bin compronde cu net na e pida bahada na Kudawecha un Dodge Grand Caravan tabata bini cu basta velocidad dal basta duro tras di e Honda Fit cu net a baha velocidad y tabata birando na man drechi. Debi na e fuerte impacto e dama chauffeur di e Fit a resulta herida. Na yegada di e ambulans nan a atende e dama victima na e sitio mes.