Cuerpo Policial Aruba Ta Informa—

Dialuna anochi pa 9:45 Central di Polis ta wordo notifica cu un atraco lo a tuma lugar na Caya Calco na Palm Beach.

E dos victimanan lo a yega na un cas na Pos Abao y pidi yudansa.

Central di polis ta despacha patruya na e sitio di e sucedido.

Na yegada na Pos Abao ta encontra cu e dos victimanan cu ta hende homber.

Nan ta declara na polis cu un rato prome na Caya Calco nan lo a wordo atraca pa 5 hende homber den un Honda Vitz color preto. E atracadornan a purba bay cu un Van Mitsubishi color blanco na Caya Calco. Pero nan no a logra.

Un atracadonan tabata tin un arma di candela y un otro un cuchiu.

Un di e victima lo a wordo maltrata cu e cabo di e arma di candela.

Ambulance a presenta y a transporte pa hospital pa ricibi asistencia medico avansa.

Atraco Team a wordo informa como tambe departamento di slachtofferhulp.

Un rato despues unidad di polis atento ta topa cu un Honda Vitz cu ta cuadra cu loke e victimanan di atraco a señala na Seroe Pela Un di e sospechoso ta sali core bai na pia pero polis a logra capture y detene. A haya droga riba dje

Otro unidadnan di polis ta sigi en busca di e Honda Vitz y na altura di Turibana e auto a accidenta den un cura di cas y polis ta logra detene e sospechosonan den e auto.

Tur e sospechosonan a wordo deteni y transporta pa Warda di Polis y e auto a wordo confisca.

Cuerpo Policial Aruba ta haci un apelacion na e persona cu sa of a wak algo yama e tiplijn di polis cu ta 11141. Bo ta keda anonimo