Relaciona cu Dia Mundial di Diabetes, cu ta wordo conmemora dia 14 di november, Aruba One Happy Island Lions Club ta invita muchanan di 5 pa 7 aña pa participa den su Competencia di Kleur 2026. E competencia ta forma parti di Proyecto Diabetes 2026 di e club, cu ta enfoca riba concientisacion tocante diabetes. Mientras nan ta kleur, e muchanan por siña tocante costumbernan saludabel, manera come fruta/berdura, bebe awa y haci actividad fisico regularmente.
Con pa participa
- Pidi un mayor pa yudabo print e pintura oficial di e competencia riba papel tamaño A4 of Letter.
- Kleur e pintura cu bo colornan favorito.
- Skirbi bo nomber, fam y scol den e espacionan indica.
- Pidi un mayor pa yudabo saca un potret di bo pintura cu e datonan bon visibel y publica e potret riba e pagina di Facebook di Aruba One Happy Island Lions Club.
E pintura cu haya mas likes lo gana un premio. E club lo anuncia e ganador dia 28 di november 2026.
Aruba One Happy Island Lions Club ta invita comunidad pa duna un like na nan pintura favorito y comparti e invitacion cu otro famianan.
