Informe di auto a dal peaton na Shiribana a resulta di ta un caso di maltrato y destruccion.

Diahuebs atardi a drenta informe di cu un auto lo a alcansa un persona na Shiribana, mesora a dirigi varios unidad na e sitio. Na yegada di patruya na e sitio a bin compronde cu aki un persona lo a core ceusa caya dilanti auto sin tene cuenta cu trafico pa bay otro banda y bringa cu un otro persona. Segun un automobilista a declara aki elo a para su auto y purba para e pelea pero aki tambe a ricibi menasa y a yama polis. Segun un testigo aki 3 persona lo a agredi un otro despues i un desacuerdo. Polis a tuma datos di e incidente y a nota nombernan di esnan cu lo a comete e maltrator como tambe destruccion den e cas na Shiribana. Unidadnan di K9-Unit atento riba caya a encontra un di e sospechosonan femenino cu lo tabata envolvi den e maltrato y a pare y tuma su declarashon prome cu a lage bay su caminda ya cu na e momento ey no tabata tini un keho contra di dje pa e maltrato. Agente di K9 Unit a haya di compronde for di e dama cu e lo a bay purba para e conflicto cu tabata tini pa placa di huur y droga pero ningun ora a bringa. Polis tini e caso aki bou investigacion pa asina saka afo kiko exactamente a pasa na e cas na Shiribana unda cu paden tabata tin basta cos destrui. E persona cu a ricibi maltrato a keda di bay recherche pa entrega keho contra su agressornan.

Share:

Leave a Reply

Your email address will not be published.