Chauffeur di pick-up a slip riba caminda muha perde control y dal riba palo di lus

Diaranzon atardi a drenta informe di un accidente cu hende herida pariba di rotonde Las Americas, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un pick-up a slip riba e caminda muha bayendo pariba a perde control, baha caminda y a bay dal riba un palo di lus. Debi na e impacto e chauffeur a resulta herida. Na yegada di e ambukans nan a atende e victima y a transporte pa hospital. Elmar a presenta pa asinakita e wayanan cu a keda riba e caminda. Den transcurso di diahuebs nan lo cambia e palo di lus.

Share:

Leave a Reply

Your email address will not be published.