Diamars atardi a drenta informe di cu dos UTV lo a bolter y cu tin hende herida panort di lighthouse na Tera Cora, mesora a dirigi tanto polia como ambulans na e sitio. Na yegada di patruya na e sitio a bin compronde cu aki 2 UTV cu tabata maneobra esaki na un of otro momento a perde control y bolter. Un di esakinan lo a bolter y cay riba pia di un di e pasaheronan heridando e. Ambulans a presenta na e sitio y a atende cu e persona cu pia herida. Polis a tuma datos di e accidente aki y tambe a calma e otro turistanan cu tabata riba e UTV cu tabata preocupa pa nan padrastro cu a keda herida.