![](https://www.awe24.com/wp-content/uploads/2021/10/7717221A-433A-4653-8BF5-1A7B298A3A7E-640x334.jpeg?v=1635681413)
Diasabra atardi a drenta informe di cu abehanan a pica un homber di edad te cu e no tabata reacciona mas, mesora a dirigi tanto polis como ambulans na e sitio. Na yegada di e patruya a bin compronde cu un grupo di abeha a pica un cacho te mat’e y ademas e abehanan a pica e homber di edad te cu e no tabata reacciona un familiar a suministra CPR te a logra rebib’e. Na yegada di e ambulans nan a revisa e victima y a confirma cu e no mester bay hospital y cu e familiar a haci un bon trabao.