![](https://www.awe24.com/wp-content/uploads/2021/10/954F8B1A-83D7-4F88-B5B2-B03E7EBB9BCA-640x334.jpeg?v=1635681637)
Diasabra atardi a drenta informe di un accidente cu hende herida na Paraguana, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente pa falta di visibilidad unda 2 Hyundai Tucson tabata envolvi. E vehiculonan a dal den otro semi frontal y despues a bay dal un palo di lus. Door di e impacto un mucha a resulta herida y tabata sangrando. Na yegada di e ambulans nan a atende e victima.