Diaranzon mainta un patruya bayendo direccion pariba den Caya G.F. “Betico” Croes a topa cu un accidente unda cu un auto preto poco mas nan dilanti sacando hopi huma te cu a stroba tur e visibilidad y algun auto poco mas dilanti no por a mira bon y a sosode un accidente. Debi na e dificultad di visibilidad e dama chauffeur di un Kia Rio no por a mira inocentemente a bay dal tras di Hyundai Accent su dilanti. Afortunadamente ningun hende a resulta herida. Polis a keda di bay wak e grabacionnan di e camaranan di seguridad den cercania pa asina logra bay gara e auto preto cu ta e causante di e accidente aki.
