Diabierna mainta a drenta informe di un accidente cu hende herida na Westpunt. Mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un KIA Rio y un KIA Sorento. E KIA Rio v wagen bayendo nort lo a bai na e banda robes di caminda y dal un KIA Sorento di direccion contrario. Un doctor cu tabata pasando eybanda a para y a immediatamente duna asistencia y a hasi CPR. Despues di maximo esfuerzo no a logra reanima e persona. Pa 8:15am dokter a constata morta di F.A.C. Naci na Aruba. Na yegada di e ambulans nan a atende cu otro victima.
Cuerpo di polis ta confirma:
E di 6 morto den trafico.
Awe diabierna mainta pa 08.00 central di polis ta wordo notifica di un accidente frontal na Westpunt.
Na yegada di patruya ta bin topa cu un Kia Rio blanco V-5039 y un Kia SUV preto.
Pa 08.15 dr Kanhai ta constata morto di e chofer di V-5039, Frederick A. Croes naci na Aruba di 60 aña.
Specialista di trafico, polis tecnico y slachtofferhulp a presenta na e sitio di e sucedido.
Cuerpo Policial ta manda palabra di condolencia na famia di e fayecido.
