Dialuna atardi a drenta informe di cu tin un auto na candela na e paperclip rotonde na Seroe Patrishi, mesora a dirigi tanto polis como bombero na e sitio. Na yegada di e patruya a bin compronde cu aki ta trata di un B.M.W. rhd cual lo a pega na candela, polis a percura pa guia e trafico cual ya tabata pega debi na e orario druk, mesora na yegada di bombero a inicia cu trabaonan y a paga full e candela. Cu ayudo di esnan presenta a hala e vehiculo na e centro di e rotonde kitando e for di caminda y asina trafico por a sigui.
