Diabierna mainta a drenta informe di un accidente cu hende herida na e birada na Rooi Bosal. Mesora a dirigi tanto polis como ambulans na e sitio. Na yegada di e patruya a bin compronde cu un Toyota Yaris blanco lo a slip, perde control y a bolter. Na yegada di e ambulans nan a atende cu e victima y a transporte pa hospital. Habitantenan den e area a comparti cu nan a pidi D.O.W. na differente instante pa pone un borchi di cu tin un birada skerpi na e caminda aki pa asina adverti chauffeurnan pa baha velocidad y bai mas poco poco.
