Diamars anochi a drenta informe di un bringamento cu tiramente di boter na un establecimiento na The Village na Palm Beach, mesora a dirigi varios patruya como tambe ambulans na e sitio. Na yegada di patruya na e sitio a bin constata cu aki un bringamento mester a bay te tiramento di boter. Un person cu lo a purba huy di e agreshon a ser trompica y a kibra su enkel. Ambulans a keda pidi na e sitio pa asina por a atende cu e persona herida y transporte pa hospital. Polis despuea di a saca afor ken a causa e violencia a detene un persona y a transporte pa warda di polis.
