ORANJESTAD, Aruba – 4 October 2019: E yabi di bon servicio ta e relacion cu e compania ta crea cu e cliente. Aruba Bank ta conciente di e importancia di un relacion sano entre e banco y su clientela y ta pa esey anualmente ta gradici su clientenan y ta promove un ambiente servicial y amabel na tur sucursal di banco rond di Aruba, pa expresa e gratitud. Cuminsando dialuna 7 di October Aruba Bank lo celebra “Customer Appreciation Week” caminda cu lo intensifica e gesto di bisa “danki” den un siman di celebracion.
E aña aki Aruba Bank lo ta activo ariba e pagina di Facebook di banco https://www.facebook.com/Arubabank/ caminda cu lo por comparti experiencianan superior diariamente. Na tur sucursal di Aruba Bank clientenan lo ricibi treat special.
Ademas di e ambiente di celebracion na cada sucursal Aruba Bank keda pendiente pa e popular “Surprise moments” cu premionan fabuloso!
