Diaranzon atardi laat a drenta informe di un accidente cu hende herida na Fort Heuvelstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur a bira malo tras di stuur, baha caminda na man drechi, ranca palo di luz y dal cura di cas kibra. Na yegada di e ambulans nan a atende e victima y a transporte pa hospital.
