![](https://www.awe24.com/wp-content/uploads/2023/08/a88fd53d-44f7-4b47-b7e3-dbe1d558015f-668x334.jpeg?v=1692872058)
Diahuebs madruga a drenta informe di un caso di maltrato na un bar na Calabas, mesora a dirigi un patruya na e sitio. Na yegada di e patruya a bin compronde cu aki ta trata di un homber cu a maltrata su mesun pareha. Aki mesora polis a detene e homber cu a maltrata su pareha y a solicita e vehiculo di transporte. Na su yegada a transporte pa warda di polis na Shaba unda eynan ela keda deteni. Mientras e dama a ser avisa pa e pasa entrega keho di maltrato den oranan di dia na recherche.