Diadomingo atardi a drenta informe di un caso di ladronicia for di un apartamento na Santa Cruz, mesora a dirigi un patruya na e sitio. Na yegada di e patruya a bin compronde cu aki ta trata di un pareha turista cu sa bini Aruba regularmente y e biaha aki ta bira victima di ladronicia. E ladronnan a bay cu su laptop y algun cos mas electronico, esaki a sosode net un tiki prome cu nan a yega. E turista a “track” su equiponan y a ser señala na Saliña. Yegando na e sitio ainda por a mira cu e ta den un pida mondi den su maleta. Polis mesora a pidi e investigadornan technico y forensyco pa bini na e sitio y inicia cu e investigacion. E pareha turista a keda masha contento di e cooperacion policial pa asina e recupera su pertenencianan y su laptop unda e tin tur su trabaonan importante.