Diadomingo anochi a drenta informe di un accidente cu hende herida na Bloemond, mesora a dirigi tanto polis como ambulans y hasta e equipo di rescate di bombero na e sitio. Na yegada di e patruya a bin compronde cu aki ta trata di un accidente unda e dama chauffeur a perde control bay banda robes di caminda dal un auto staciona sigui bay dal un cura di cas kibra un meter di awa y bay para un poco mas pabao. Debi na e impacto tanto e chauffeur como tambe 2 mucha sinta patras y e pasahero a resulta herida. Na yegada di e ambulans nan a atende e victimanan. E pasahero sinta na banda a keda pega den e auto pa cual motibo a pidi e equipo di rescate di bombero pa libera e victima pa logra sak’e.