Diasabra anochi a drenta informe di un accidente na Pos Abao, mesora a dirigi un patruya na e sitio. Na yegada si e patruya a bin compronde cu e chauffeur a perde control baha caminda dal un cura y un meter di awa kibra. Despues e impacto e chauffeur a bandona e auto na e sitio, polis a pidi un takelwagen pa asina busca e auto ya cu esaki ta confisca. Un rato despues un persona ta cana yega y bisa cu e chauffeur ta un hende illegal y cu ela spanta y a bay for di e sitio. Polis a bisa e persona pa e avisa e doño di e auto pa dialuna e pasa cu tur e papelnan di e auto na warda di Balashi pa asina nan debolbe e auto.