Diadomingo madruga a drenta informe di cu tin un auto Hyundai Sonata coriendo den forma peligroso cu lo a hera dal peaton y otro auto y cu a caba di drenta Maria Cristinastraat, mesora a dirigi patruya na e sitio. Polisnan cu tabata cerca a logra para e auto aki na Sweelinckstraat. Polis a nota cu e chauffeur tabata bao influencia y tabata papia yen cos straño, polis a detene mesora y a solicita presencia di e vehiculo di transporte di detenidonan pa asina hib’e warda di polis.