Diamars atardi a drenta informe di un accidente cu hende herida den e bocht na Rooi Bosal. Mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente semi-frontal entre un pick-up Isuzu blanco di FCCA y un Nissan Cube preto unda dos persona a resulta herida. Aki e Nissan Cube rumbo pariba den e bocht a bay mucho links y a dal semi-frontal cu e Isuzu Pickup. Polis di trafico y mas unidadnan a keda pidi na e sitio pa asina por a sera e caminda y tene prensa leu. Na yegada di e ambulans nan a atende cu e victimanan y a transportanan pa hospital.