Diamars atardi un polis den ora liber pasando den Catiri a wak un accidente sosode y e auto Hyundai Getz blanco cu a ocasiona e accidente a bay for di e sitio, e agente a bay su tras y a wak cu e auto a yega na un cas na Rooi Afo. Eynan e chauffeur cu ta un dama a baha y a core bay paden e polis a pura pa gar’e pero eynan a start un pleitamento y e polis a pidi pa refuerso. Varios polis a bay na e sitio y tabata tin e situacion bao control. E oficialnan cu a yega a detene e dama y a pidi e vehiculo di transporte pa bini na e sitio pa hiba e dama warda di polis.