Diamars atardi a drenta informe di un accidente cu hende herida riba e Green Corridor banda di e Brug Fredis Refunjol, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un coredo di quadracer pa un motibo desconosi a bay na man robes dal riba e acera y a bolter. Debi na e multiple impactonan e coredo a keda mal herida. Na yegada di e ambulans nan a atende y a transporte cu urgencia pa hospital.