Diabierna merdia a drenta informe di un accidente cu hende herida banda di Amistad Take Away na Santa Cruz, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un Nissan March biniendo for di pabao banda di S.P.O. Santa Cruz a bay subi caminda pa bay nort pero no a duna preferencia na e Honda Civic bayendo nort y nan a dal den otro. E impacto tabata asina fuerte cu e chauffeur di e Honda a resulta herida. Na yegada di e ambulans nan a atende e victima.