Un biaha mas por comproba cu polis ta nos amigo, oficial di e brigada motoriza a rescata homber di edad cu a cay den rooi na Sabana Liber.

Diabierna anochi a drenta informe di grito scucha na Sabana Liber. Mesora a dirigi un patruya na e sitio. Na yegada di e patruya a bin compronde cu un homber di edad lo a bay tuma un “shortcut” den un rooi y a cay abao. Afortunadamente e persona no a resulta herida. Polis a yuda e persona lanta y a yud’e yega su cas.