Polis a confisca un auto tur destrui y kibra laga atras strobando un habitante drenta su cas den Edisonstraat

Den oranan di anochi a drenta informe di cu tin un auto sospechoso para dilanti porta di un cas den Edisonstraat, mesora a dirigi un patruya na e sitio. Na yegada di e patruya a bin encontra cu un vehiculo para dilanti e porta di cura di un cas y cu ta strobando pasada. Polis a investiga y a logra haya sa cu e auto no ta pertenece na e cas ey y e habitantenan ey ta desea pa kit’e mes ora for di eynan. Polis na su turno a bay na e casnan na banda pa averigua si acaso e vehiculo lo ta pertenece na un of otro persona di nan y/o den vecindario pero esaki no tabata e caso.

A tuma nota cu e auto su number no ta pertenece eybanda y cu e auto tin bastante sla na parti dilanti cu bastante daño na e ream. Esaki ta mustra claramente cu e lo a core un distancia basta largo di e forma ey ocasionando mas daño na e vehiculo. Mirando cu no a logra haya sa na ken e auto ta pertenece polis a opta pa confista e auto te ora su doño presenta pa reclam’e.

Un peticion ta bay na persona cu conoce e doño y/o ta e doño di e vehiculo, pa pasa warda di polis situa na Playa pa reclama su vehiculo mas pronto posibel.

Share:

Leave a Reply

Your email address will not be published.