Dialuna anochi a drenta informe di un accidente na e rotonde Belgiëstraat, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un auto a subi e rotonde dilanti un taxi y a bay dal den dje. Inmediatamente despues di e impacto e auto a sigui core bay. Polis a tuma tur e datonan pa asina bay en busca di e chauffeur irresponsabel cu a comete infraccion, causa un accidente y bandona e sitio di accidente. Afortunadamente ningun hende a resulta herida.