Riba diabierna 25 di maart tin un charla cu pintor Mo Mohamed y escritor Luc Alofs na biblioteca di Colegio Arubano tocante e biografia Goddelijk zoals gewoonlijk, leven en werk van Mo Mohamed zoals verteld aan Luc Alofs.
Mo Mohamed ta di descedencia Surnam y a nace na San Nicolas na 1944. El a biaha rond di mundo entre 1962 y 1990. Den e buki e ta describi su hubentud na San Nicolas y su bida naHulanda den e epoca di hippy den añanan 60. Den añan 70 el a biaha como obrero cultural pa Corsou, Surnam y Brasil. Den e periodo di añan 80 Mo ta conta di su bida na Surnam durante edictadura, e matanzanan di december y gueranan local. Desde1990 Mo a bin biba na Aruba y ta relata e partinan bunita, perotambe e menos bunita di e bida cultural akinan.
Luc Alofs ta antroplogo cultural y historiado. El a duna les naIPA y actualmente ta docente na Universidad di Aruba. El a skirbi diferente buki y articulonan tocante cultura, historia y sociedad Arubano.
Luga: Biblioteca Colegio Arubano
Fecha: 25 di maart
