Diamars anochi a drenta informe di cu tin 2 van sospechoso cu lo ta hortando materialnan for di casnan den construccion na Caya Tusa na Jaburibari, mesora a dirigi patruya na e sitio. Bayendo e sitio a drenta informe di cu e autonan a cuminsa move direccion Paradera, mesora a pidi refuerso di patruyanan di otro distritonan. Ta trata di 2 van Hyundai H1 un ta shinishi A35497 y esun color di oro/geel A28892 ambos van a bay zuid y despues a bay pariba direccion Santa Cruz y polis tabata algun auto nan tras pero despues tur 2 a bira bek pa bay pabao polis a logra para esun shinishi na altura di Great Rich mientras esun otro a coy e caminda pa bay rumbo santana despues rumbo Babijn. Na un dado momento esun a paga su lus pero asina mes polis a sigui su tras y a logra par’e. Esun banda di Great Rich a declara cu nan tabata trahando na e cas, pero mirando e ora polis no a kere ademas a bin resulta cu aki ta trata di un ilegal, mesora polis a detene como sospechoso di ladronicia ya cu den e van polis a haya varios material di construccion. Mientras e otro chauffeur cu tin su papelnan den tramite tambe a ser deteni como sospechoso di ladronicia. Ambos vehiculo a ser confisca. E habitantenan bisiña den e bario a “team-up” pa yuda y cu polis su trabao a logra pone man riba e delincuentenan aki.