Diaranzon atardi a drenta informe di cu un boto a pasa riba un turista na Palm Beach, mesora a dirigi tanto polis como ambulans cu maximo urgencia na e sitio. Na yegada di e patruya a bin compronde cu e turista a cay for di un di e tubenan durante un trip cu watersports riba lama y e boto cu tabata lastre y a bay recoge a pasa riba dje y a kita su brasa completo for di e turista. Na yegada di e ambulans a haci nan maximo esfuerzo pa yuda e turista mucha di 13 aña C.M. pero sin resultado y e mucha aki a bin fayece. Na famianan di e mucha aki ta bay nos mas sincero palabranan di condolencia. Hopi ta esnan na e sitio cu a sinti masha duele y a “hurt” nan curazon. Te hasta e personal di ambulans a keda tur desiluciona y tambe cu hopi dolor tanto mental como tambe fisicamente.