Diaranzon atardi a drenta informe di un auto na candela riba L. G. Smith Boulevard. Mesora a dirigi tanto polis como brandweer na e sitio. Na yegada di e patruya a bin compronde cu un Jeep blanco cu recien a sali for di garage lo a cuminsa saca huma y despues pega candela. E chauffeur a baha for di auto y a purba pag’e cu un fire extinguisher pero e candela a sende bek. Na yegada di e brandweer nan a combati e candela. E parti dilanti unda e motor ta a keda completamente kima.