Diasabra atardi a drenta informe di cu tin un homber di edad canando den forma peligroso banda di caminda na Sabana Blanco, mesora a dirigi un patruya na e sitio. Na yegada di e patruya a bin topa cu e conosido homber cu problema di salud mental sin adres fiho. Prome cu polis a yega e homber aki a drenta cura di un cas y bay te paden pero ora ela topa cu un hende despues di a papia cu e habitante ela sali. Ela cana bay pariba Minister Arends cu ta biba den cercania a nota cu e homber tabata cerca di su cas net ora e tabata saliendo den auto y no a confia e asunto y a keda den cercania. E minister a wak con e homber a drenta den su cura y a gewoon cay sinta na e stoel den e veranda. Net na e momentonan ey polis a yega. Polis a core cu e homber for di e sitio y a bis’e bay bek na unda e ta keda y no drenta propiedad di otronan sin permiso. Instruccion cual ela sigui cabalmente.