Diasabra mainta a drenta informe di un problema na un adres na San Barbola, mesora a dirigi un patruya na e sitio. Na yegada di e patruya a bin compronde cu aki ta trata di un caso di destruccion y maltrato unda un homber a destrui e windshield di e auto di e dama y a agredi e dama. Polis mesora a detene e agresor y a pidi e vehiculo di transporte pa hiba e detenido na warda di polis.
