Diadomingo madruga a drenta informe di un accidente basta serio cu hende herida na e birada panort di Huchada na Santa Cruz, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di e Nissan Cube A76969 cual tabata bini for di pabao cu velocidad halto a perde control bay dal riba borchi di enseñalacion, sigui dal palo di luz y finalmente subi drenta un cura di un cas. Un damita pasajero a dal su cabez formalmente y tabata sangra profusamente pero no tabata reacciona. Na yegada di e ambulans nan a atende e damita y a transporte cu urgencia pa hospital. Mientras e damita chauffeur mes a sali ileso, pero polis a detene ya cu lo tabata bao influencia y no por a mustra un rijbewijs. Elmar tambe a presenta pa drecha e palo di lus.