Diamars atardi a drenta informe di un incidente entre un truck y un taxi riba E.J.”Watty” Vos blvd. banda di Kooyman, mesora a dirigi un patruya na e sitio. Na yegada di e patruya a bin compronde cu aki ta trata di un incidente entre un chauffeur di truck y un taxista. Ta asina cu e dama taxista a pasa e truck na altura di rotonde Ponton y e truck no a gusta esey y pesey e truck a haci maniobranan poniendo e taxista cu tabata tin turistanan abordo den peliger. E chauffeur di truck a sera e taxista pone dal y subi acera caso bolter cual a causa daño na e taxi y susto na e dama como tambe e turistanan abordo. Esaki a causa daño na ambos taira na banda drechi. Polis a tuma e keho y ta buscando e chauffeur di e dicho truck.