Diamars madruga a drenta informe di un accidente na e paperclip rotonde di Sero Patrishi, mesora a dirigi un patruya na e sitio. Na yegada di e patruya a bin compronde cu e chauffeur biniendo riba E.J. (Watty) Vos blvd. for di rotonde Tanki Leendert cu velocidad halto a lubida riba e rotonde paperclip na Sero Patrishi y a dal e acera subi e rotonde. E impacto riba e acera a pone ambos wiel dilanti pega na e wardalodo. Esey a pone cu e auto no por a sigui core. A pidi pa un takelwagen bini busca e auto. Afortunadamente ningun hende a resulta herida.